جوزى ضربنى

— معناها إنكم النهاردة هتعرفوا حجم العيلة اللي أهنتوها السنين دي كلها.
​الدم هرب من وش سميرة أول ما أمي نطقت اسم أبويا الله يرحمه:
— جوزي هو مؤسس مجموعة الغندور للاستيراد والتصدير والشحن.
أحمد فتح عينه على وسعها، وسميرة وّت رأسها في الأرض.
كملت أمي:
— جوزك كان شغال عندنا، وأنا عارفة كويس هو مشي ليه.
أحمد بص لأمه بذهول:
— أمي.. الكلام ده صح؟
سميرة حاولت تدافع عن نفسها:
— دي حاجات قديمة من زمان يا أحمد.. كنت عايزاك تفتكر أبوك راجل محترم!
أحمد صرخ فيها:
— وعشان كده كنتِ بتديني مرتب يادوب يكفيني وتقوليلي المكتب بيكسب بس العيلة عليها التزامات؟!
سميرة ضاعت منها النبرة الفوقية اللي كانت بتتكلم بيها.
​طلعت عقد الشقة وحطيته قدام أحمد:
— الشقة دي بتاعتي، شرياها بفلوسي وورثي. أنت حاولت ترهن حاجة مش ملكك وزوّرت إمضتي.
سميرة اتقمصت دور الضحية:
— إحنا مكنّاش نعرف إن الموضوع خطير للدرجة دي!
رد الأستاذ سامح وشرح العواقب القانونية للتزوير والبلاغ بتاع الضرب. أحمد بدأ اترعش وقال:
— والله كان غصب عني، كنت شارب ومضغوط!
— وبعد ما ضربتني طلعت تنام! وأمك سابتني مرمية في الضلمة وقفلت النور!
​طلعت الأجندة وقريت منها التواريخ اللي سميرة كانت بترميك فيها الأكل، واللي شتمتني فيها قدام الناس. المرأة اللي كانت بتدور على التراب فوق العفش مكنتش قادرة ترفع عينها في عيني.
​أحمد بصلي برجاء:
— داليا.. قوليلي عايزة إيه وأنا هعمله!
المحامي حط ورقة الطلاق الرسمية قدامه:
— التوقيع هنا.
— لا مش هطلق!
— أنت بعتلي ورقة الطلاق عشان تخوفني وتخليني أرجع أستسمحكم.
— كنت عايزك ترجعي! أنا بحبك يا داليا!
— أنت كنت بتحب إن في حد بيصرف ويطبخ وينظف ويستحمل الإهانة ويسكت.. ده مش حب.
​الاتفاق اتوقع: الطلاق، وتعويض مالي عن الأضرار، وإخلائهم التام للشقة، والتحقيق في التزوير ياخد مجراه القانوني.
​سميرة سألت بصوت مكسور:
— طب إحنا هنروح فين وهنعيش فين؟

رديت عليها:
— في المكان اللي على قد فلوسكم.
​أحمد وقع الأوراق، والشقة بيعتها لأن نسائم الوجع فيها كانت خنقاني، واشتريت شقة أصغر جنب أمي بفيو حلو وزرعت فيها الورد اللي سميرة كانت بتقول عليه “بيلم تراب”. مكتب الديكور بتاعهم اتقفل بسبب الديون والفوايد، وسميرة مبقتش تقدر تتفشخر بسيدة الأعمال، وأحمد اضطر يدوّر على شغل من أول وجديد بمرتبات ضعيفة.
​بعد شهرين بعتلي إيميل: “أنا وأمي قاعدين في شقة قانون جديد صغيرة، والفلوس مش مكفية.. عرفت قيمتك وعرفت أنتِ كنتِ شايلة إيه. اديني فرصة ثانية.”
رديت بجملة واحدة: “أي تواصل هيتم عن طريق المحامي.” ومبعتش تاني.
​أخي كريم بقا يجيلي كل أسبوع، وفي يوم جاب معاه كيس فطير وقال:
— عارفة إيه الغريب؟ وأحنا صغيرين أنتِ اللي كنتِ بتحميني!
— والنهاردة جاي تأخد أتعابك فطير مشلتت؟
ضحكنا سوا.. وأمي عملت عزومة بمناسبة انتهاء إجراءات الطلاق، عملت بط وشوربة لسان عصفور ومحشي.. كل الأكل اللي أنا بحبه. طول السنين اللي فاتت كنت بطبخ اللي يرضي أحمد وسميرة وبس، وأظبط الملح على مزاجهم.
​— كلي يا داليا الأكل هيبرد —قالتها أمي بابتدسامة.
​أكلت وعيني دمعت.. دموع راحة مش حزن. أخدت وقت طويل عقبال ما أفهم إن سلامك النفسي مش معناه إنك تستحمل قلة الأدب والعنف. العيلة المحترمة مش محتاجة ست تسكت وتتضرب عشان البيت يمشي، العيلة محتاجة احترام وحدود وناس بتخاف على بعض بجد. الصبر مش إنك تسيب نفسك تتكسر.. الصبر الحقيقي إنك تقفل الباب في وش اللي أذاك، وما تبصش وراك تاني أبداً.
​💚 لو كنتِ مكاني، كنتِ هتديه فرصة ثانية بعد الضرب والسرقة، ولا كنتِ هتمشي وتجيبي حقك بالقانون؟
❤️ بتمنى الصحة والسعادة لكل حد قرا القصة دي! ❤️