انا دكتورة نساء
قفلت الباب، وقربت مني وقالت بصوت منخفض أنا عايزة أتكلم معاكي بعيد عن الناس. شاورْت لها على الكرسي. اتفضلي. ما قعدتش. فضلت واقفة، وبدأت تتكلم بسرعة اسمعيني كويس. اللي حصل امبارح كان غلط، وأنا كنت متعصبة.
بس إنتِ مش فاهمة كريم بيعمل إيه. هو مش الشخص اللي إنتِ فاكراه. رديت بهدوء دي أول حاجة قلتيها منطقية من ساعة ما ډخلتي مكتبي. بصت لي بحدة، لكنها تجاهلت كلامي. أنا ما كنتش عايزة أؤذيكي. كريم هو اللي قالي أروح لك، وأقول لك إني حامل منه، وإنك لازم تطلّقيه.
حسيت بقبــ,,ـــــضة باردة في صدـ,,ـــري. كنت متوقعة إنها هتقول حاجة زي دي، لكن سماعها بصوتها خلاني أحس إن الموضوع بقى حقيقي أكتر. سألتها وإنتِ وافقتي ليه؟ نزلت عينيها للأرض، وقالت علشان كان واعدني إنه هيتجوزني، وإنه هيبدأ معايا حياة جديدة.
قال لي إن جوازكم انتهى من زمان، وإنه مستني فرصة مناسبة علشان ينهيه. قلت لها وإنتِ صدقتيه؟ رفعت عينيها ليا، وكانت الدموع متجمعة فيها. أنا كنت محتاجة أصدقه. ما تعاطفتش معاها، لكني ما قاطعتهاش. كملت أنا فعلًا حامل، لكن الطفل مش من كريم.
معتز كان بيوصل لكريم بيانات مرضى معينة، وكريم كان بيعدّل تقاريرهم علشان يغطّي على أخطاء حصلت في العمليات. وفيه ناس اتدفعت لها فلوس علشان تسكت. حسيت پغضب شديد، لكني فضلت هادية. وإيه علاقتي أنا بكل ده؟ قالت كريم كان محتاج حد يشيل المسؤولية لو الموضوع اتكشف.
هو كان بيقول إنك بتوقّعي على تقارير المتابعة، وإنه ممكن يثبت إنك كنتِ عارفة بالتعديلات. للحظة، حسيت إن نفسي اتسحب من صدـ,,ـــري. أنا عمري ما شاركت في تزوير تقرير طبي، ولا غطيت على خطأ يعرّض مريض للخطړ.
لكن لو حد استخدم اسمي وتوقيعي من غير علمي، فالموضوع مش مجرد خېانة زوجية. ده ممكن يتحول لقضية جنائية. سألتها إنتِ عندك دليل على الكلام ده؟ أخرجت تيسير موبايلها، وفتحت صورة لمدــ,,ـــــادثة بين كريم ومعتز.
في الصورة، كان كريم بيكتب بعد ما مريم تطلب الطلاق، هنقدر نقول إن كل حاجة كانت تحت مسؤوليتها. هي اللي عندها صلاحية مراجعة الملفات، ومحدش هيشك في رئيس قسم الجراحة. وتحتها رد معتز وتيسير؟ كريم كتب تيسير هتختفي من الصورة بعد ما تاخد فلوسها. بصّيت للصورة، وبعدها رفعت عينيّ لها.
