زعيم المافيا
سليم بصله.
الراجل اختفى تقريبًا من المكان.
أما مريم، رجعت تبص للكمبيوتر كأن مفيش حاجة حصلت.
دخل سليم مكتبه وهو بيهز راسه.
مريم كانت الشخص الوحيد تقريبًا في الشركة اللي مبيخافش منه بالطريقة المعتادة.
مش لأنها شجاعة بشكل خارق.
بالعكس.
كانت هادية جدًا، مبتحبش المشاكل، وبتكره الصوت العالي.
لكنها كانت عملية بطريقة مستفزة.
اشتغلت معاه 3 سنين.
وفي التلات سنين، عمرها ما سألته سؤال شخصي.
عمرها ما حاولت تلفت نظره.
وعمرها ما اهتمت بالشائعات اللي بتتقال عنه.
بالنسبة لها، سليم المنشاوي كان مديرها.
وبس.
وده كان مريحه.
لحد الليلة دي.
بعد العصر، كان سليم قاعد في مكتبه مع أقرب ثلاثة رجال ليه.
عمر السيوفي، صاحبه من أيام الجامعة.
فارس، المسؤول عن أمنه.
ونادر عزام، واحد من شركائه.
كانوا بيتكلموا عن عشا مهم هيتعمل بالليل في فيلا نادر في التجمع.
نادر قال وهو بيضحك
بالمناسبة يا سليم، إحنا كلنا جايين بحد. متجيش لوحدك زي كل مرة.
سليم رفع حاجبه.
وأنا هجيب مين؟
عمر ضحك.
هات مريم.
سليم بصله ثانيتين.
وبعدين ضحك.
مريم؟!
آه.
نادر دخل في الضحك
والله فكرة! عايز أشوفها بره المكتب. هي أصلًا بتعرف تتكلم في حاجة غير الإكسل والمواعيد؟
فارس ابتسم وهو ساكت.
عمر قال
تخيل تيجي بالنضارة والملفات للعشا.
سليم سند ضهره للكرسي.
كان المفروض يرفض.
لكن بدل كده ضغط زر الإنتركم.
مريم؟
صوتها جه فورًا
أيوه يا فندم؟
Page: 2
ادخلي.
بعد لحظات دخلت وهي شايلة النوتة بتاعتها.
خير؟
سليم قال بمنتهى الهدوء
عندك حاجة الساعة 9 بالليل؟
استغربت.
النهارده؟
لأ، الخميس الجاي سنة 2034.
بصتله ببرود.
عمر عض شفايفه عشان ميضحكش.
مريم فتحت النوتة.
لأ، النهارده معنديش حاجة.
تمام. عندنا عشا في بيت نادر. هتيجي معايا.
رفعت وشها ببطء.
أنا؟
آه.
ليه؟
نادر كح وهو بيحاول يخفي ضحكته.
سليم لمح ده، لكنه كمل
عشا اجتماعي. ومحتاج حد معايا.
مريم فضلت باصة له لحظات.
واضح إنها مش فاهمة.
وبعدين قالت
ده ضمن ساعات العمل؟
عمر انفجر في الضحك.
حتى سليم نفسه مقدرش يمسك نفسه.
لأ يا مريم، مش هحسبهولك overtime.
هزت كتفها.
خلاص. تمام.
تمام إيه؟
هاجي.
قفلت النوتة وخرجت.
أول ما الباب اتقفل، نادر قال
مستحيل!
عمر كان بيضحك
أنا
لازم أشوف الليلة دي.
أما سليم فابتسم.
كان شايف الموضوع هزار بريء.
ليلة واحدة.
هياخد مريم معاه، يقعدوا شوية، ويمكن يكتشفوا إن سكرتيرته تعرف تقول جمل أكتر من الاجتماع الساعة كام.
