الضحك اللي بره ٢

تاني يوم الصبح، كان الطابق كله هادي بطريقة غريبة. مفيش هزار بايخ، ومفيش تريقة على حد، وكل ممرضة ودكتور كانوا ماشيين كأنهم ماشيين على قشر بيض. الساعة عشرة الصبح، لقينا أمن المستشفى بيفتحوا باب أوضة تسعة، ودخل مدير المستشفى بنفسه، ومعاه لجنة من إدارة المستشفى، وطبعاً ميرفت ودكتور حاتم وراهم وشوشهم خضرا ومرعوبة ومش قادرة ترفع عينيها في الأرض. اللواء كان قاعد على السرير، ظهر مستقيم ومفرود، وبص لميرفت وحاتم بنظرة حادة خلتهم يتجمدوا مكانهم. مدير المستشفى اتكلم بصوت مهتز من الاحترام: "سيادة اللواء، إحنا عرفنا باللي حصل كله، وبنعتذر لحضرتك نيابة عن المستشفى وكل الطاقم. اللي حصل ده إهمال جسيم، والشؤون القانونية فتحت تحقيق رسمي فوري مع كل المسؤولين عن الحالة."اللواء رفع إيده اليمين وبدأ يشاور بحسم وقوة:الاعتذار مش ليا لوحدي يا فندم، الإهمال ده كان ممكن يمـ,ـوتني لو فضلت قاعد تحت إيد ناس بتعاملني كأني قطعة غيار بايظة. ا يروح للممرضة نور.. هي الوحيدة اللي شافتني بني آدم، وهي الوحيدة اللي استعملت عقلها وإنسانيتها. الكل في الأوضة لف وبص ناحيتي. مدير المستشفى ابتسم لي بتقدير واضح وقال: "الممرضة نور نموذج مشرف جداً لمهنتنا، ودقتها في التعامل مع الحالة هي اللي أنقذت الموقف. وبناءً على كفاءتها، تقرر ترشيحها لتكون رئيسة تمريض الطابق من النهاردة."ميرفت بلعت ريقها بصعوبة بالغة، ودكتور حاتم كأن الطوب نزلت على دماغه. كانوا فاكرين إن منحتها الدراسية وبدايتها البسيطة هتخليهم يدوسوا عليها، طلعوا هما أصغر بكتير من وعيها وأخلاقها. بعد ما المدير واللجنة خرجوا، اللواء نادى عليا بلغة الإشارة قبل ما يتحرك عشان يخرج:أنا ماشي وراجع بيتي يا نور، بس عندي طلب أخير. أمرني يا سيادة اللواء، إيه هو؟ سألته بابتسامة واسعة. تعزميني على كوباية شاي مظبوطة بره المستشفى أول ما تخلصي شفتك. . محتاج أكلمك في حاجات كتير بعيد عن أجهزة المراقبة دي. ضحكت من قلبي ورفعت إيدي مرددة:من عيوني يا سيادة اللواء.. ده أنا أشرف لي أتعرف على بطل زيك. يوم خروج اللواء من المستشفى، ودعته قدام الباب لحد عربية عائلته، ووقفت وسط الكل مرفوعة الراس. محدش في الطابق كله تجرأ يبصلي نظرة استخفاف تاني. لأن الكفاءة والجدعنة مش بالفلوس ولا بالواسطة.. الكفاءة هي اللي بتفرض نفسها في وقت الشدة.#حكايات_شروق_خالدبعدها بكم يوم، وفي يوم إجازتي، نزلت أقابل سيادة اللواء في كافيه هادي على النيل زي ما اتفقنا. كان قاعد مستنيني بابتسامته الهادية وبدلة شيك تليق ببطل قديم. قعدنا طلبنا الشاي، وحكالي عن تاريخه الطويل في الجيش، وإزاي فقد جزء كبير من سامعه نتيجة انفجار في إحدى العمليات، وإزاي المجتمع ساعات بيتعامل مع أصحاب الهمم أو المرضى كأنهم أرقام في ملفات مش بني آدمين لهم تاريخ وكرامة. قعدنا نتكلم ساعات طويلة، ومن اليوم ده وبقى بيننا صداقة واحترام متبادل عظيم كأننا عيلة. لما رجعت الشغل، منصبي الجديد كرئيسة تمريض الطابق ما غيرش مني، بالعكس، خلاني أخد خطوة أوسع. أول حاجة عملتها إني بدأت أعمل جلسات سريعة وبسيطة لكل طاقم التمريض عشان يتعلموا أساسيات لغة الإشارة، وعملت إعلان واضح في كل الأقسام إن أي مريض عنده مشكلة في السمع أو الكلام يتم توفير مترجم أو وسيلة تواصل فورية ليه، عشان مفيش مريض تاني يدخل المستشفى دي ويحس إنه تايه أو مهمش. أما ميرفت ودكتور حاتم، فالتحقيق معهم أثبت إهمالهم، والنتيجة كانت جزاء إداري ونقلهم لقسم تاني بعيد، والكل في المستشفى اتعلم الدرس بغرابة وقسوة إن الغرور بيوقع صاحبه، وإن الإنسانية والضمير هما أساس أي مهنة، خصوصاً التمريض. أما أنا، فكل ما كنت أدخل طابق التمريض وأشوف الابتسامة وعيون المرضى وهما مطمنين، كنت بفتكر دايمًا نظرة سيادة اللواء وهو بيقولي "من أين عثر هذا المستشفى عليكِ؟". ومن يومها عرفت إن المهنة دي مش مجرد شغلانة بنقبض منها آخر الشهر، دي رسالة وجبر خواطر، وإن الحق مهما اتدارى بيجي في يوم وينور زي الشمس. #حكايات_شروق_خالدبعد مرور أشهر قليلة، اتحول الطابق ده في المستشفى لنموذج فريد ومختلف تماماً، وبقى معروف في المستشفيات كلها باهتمامه الإنساني وبإن كل مريض، مهما كانت ظروفه، بيلاقي اللي يفهمه ويسمعه. في يوم، وأنا واقفة فيكتة التمريض براجع الملفات، دخلت حالة جديدة.. أم مذهولة وماسكة إيد ابنها الصغير الأصم، وكانت عينيها مليانة خوف وقلق من اللي بتسمعه عن معاملة المستشفيات. قبل ما الأم تلحق تسأل أو تتلخبط، خرجت ممرضة من الفريق الجديد اللي دربته بنفسي، وقربت منهم وبكل هدوء رفعت إيديها وبدأت تكلم الطفل بلغة إشارة بسيطة ودافئة:أهلاً بيك يا بطل. . نورتنا، متخافوش خالص، إحنا هنا عشان نساعدك. الأم أول ما شافتها بتكلم ابنها وبتفهمه من غير ما يتعرض لأي إهمال أو تجاهل، عيونها دمعت من الفرحة وراحت حضنت الممرضة وهي بتشكرها بحرارة. في اللحظة دي، سمعنا صوت خطوات مألوفة وصوت دافئ بينادي من أول الطابق:"مساء الخير على أحسن طاقم تمريض في مصر كلها. "لفينا لقينا سيادة اللواء واقف وماسك باقة ورد جميلة، وابتسامته الواسعة مرسومة على وشكليته الشامخة. قرب مني ومد الورد وقال بصوت واثق: "جاي أبارك لرئيسة التمريض اللي ما اكتفتش إنها تصلح الغلط، دي غيرت مفهوم المستشفى كله وخليته مكان بينبض بالإنسانية وجبر الخواطر. "ابتسمت له بفخر وخدت منه الورد، وكل الموجودين في الطابق سقفلنا بحرارة واحترام حقيقي. حسيت ساعتها إن كل كلمة قاسية سمعتها في أول يوم، وكل نظرة استخفاف، ما كانتش إلا خطوة صغيرة في طريق طويل وصعب، بس نهايته كانت تستاهل كل تعب. لأن لما الإنسان بيشتغل بضميره وقلبه، ربنا بيعوضه، والحق بينور مهما طال الليل. لغة الإشارة في الغرفة رقم 9ج حكايات شروق خالد

مقالات ذات صلة

اتجوزت متسولة ٢

وجدان صعيدى بقلم زهرة الربيع

الملياردير حبس 10

زوجي دخل عليا الشقة لقاني قاعدة بعيط بطريقة غريبة

فاتت تلات سنين

ابنى عنده ١٠ سنوات

اترك تعليقاً إلغاء الرد