ابويا اصر

مش هينفع افضل هربان على طول
دخلت البيت وأنا فاكر اني حققت كل اللي نفسي فيه.. لكن اللي كان مستنيني هناك، صدمة عمرها ما جت على بالي، ولا تخيلت إنها ممكن تحصل…
أول ما خطيت عتبة البيت، لقيت الهدوء اللي يخنق. أبويا قاعد على الكنبة، وبجنبه عمي! أيوه، عمي اللي كنت فاكر إنه طردني من حياته للابد، قاعد بيبصلي بجمود لا فيه كره ولا فيه لهفة.. كان في نظرة شبع من كل حاجة وما بقاش فارق معاه حاجة.
مراتي الدلوعة كانت ماسكة في إيدي، بتبص للبيت الريفي بقرف متداري، وفجأة سمعت صوت كعب جزمة نازل من على السلم.. صوت واثق، موزون، له هيبة.
رفعت عيني.. ومكنتش هي!
دي مش منار الانطوائية، البنت الخام اللي كانت بتتنفض زي العصفور. دي كانت ست ثانية خالص. لابسة بدلة رسمية شيك جداً، رافعة شعرها، في عينيها لمعة نصر وقوة تهز أجدعها راجل. منار اتخرجت من الجامعة بامتياز، ومسكت شركة مقاولات كبرت في المحافظة، وبقت هي اللي بتدير أرض أبويا وأرض عمي وكل الشغل!
أبويا بصلي وقال بصوت جاف أهلاً يا باشمهندس.. أديك رجعت بعد ما شبعت. سلم على الدكتورة منار.. الشريكة الكبيرة في كل حاجة نملكها.
الكلمة نزلت عليا زي الصاعقة. منار قربت مني بخطوات ثابتة، بصلت لمراتي وابتسمت ابتسامة مجاملة راقية، وبعدين بصلتي بثبات يكهرب حمد الله على السلامة يا ابن عمي.. نورت بيتك.
المفاجأة الأكبر الكبرى مكنتش بس في شكلها ونفوذها.. الصدمة الحقيقية لما عمي وقف وقالي
المفاجأة الأكبر الكبرى مكنتش بس في شكلها ونفوذها.. الصدمة الحقيقية لما عمي وقف وقالي ببرود قاټل على فكرة يا ابني.. الأسبوع اللي بعد طلاقكم، أنا أخدت بنتي ورحنا لأكبر استشاري طب شرعي في القاهرة، وأخدنا تقرير رسمي وموثق من المحكمة بثبوت عذريتها وسلامتها مية في المية.. التقرير ده كان معايا من ٥ سنين، بس أنا فضلت ساكت، ومحبيتش أطلعك كذاب قدام الناس عشان خاطر أبوك وصحتك.. سيبتك لضميرك وربك، والحمد لله، ربنا عوض بنتي بالحق اللي كان هيتسرق منها.
البيت لف بيا، والأرض اتفتحت تحت رجلي. مراتي بصتلي بذهول وقالت بصوت عالي تقرير إيه؟ وطب شرعي إيه؟ هو أنت اتبليت على البنت دي يا شريف؟!
أنا مكنتش قادر أرد، حسيت بكسرة مكنتش متخيلها. منار بصتلي بنفس النظرة بتاعة ، وقالت ببراعة وهي بتظبط ساعتها عن إذنكم عشان عندي اجتماع في المحافظة.. البيت بيتك يا شريف، أقعد براحتك.. بس شغلك القديم هنا خلاص، مابقاش ليك فيه مكان، أنا استوليت على كل الإدارة.
مشيت وسبت وراها ريحة برفان غالي وصمت ېقتل. وفي خلال شهور قليلة، حياتي المثالية في القاهرة بدأت تتفكك. مراتي الجديدة لما عرفت إني ظلمت بنت عمي ورميت شرفها عشان أهرب، بدأت تشوفني نذل ومابتثقش فيا، وبقت