خطيبى وصاحبتى
قبل ما مازن يرد، صوت مقبض الباب اتحرك. الباب اتفتح على وسعه، ودخل اتنين مكنوش على بالهم إطلاقاً.
أول واحد دخل كان أستاذ فريد الدسوقي، رئيس مجلس الإدارة والمدير التنفيذي، راجل في أواخر الخمسينات، ملامحه صارمة ونظارته الطبية محطوطة على طرف مناخيره. ووراه مباشرة، دخل اتنين من إدارة الرقابة الداخلية والمراجعة المالية، ومعاهم المستشار القانوني للشركة، شايلين كراتين بيضا مخصصة لأرشفة ملفات التحقيق.
نهى شهقت وحطت إيدها على بؤها. مازن وشه اتجرد من أي نقطة دم، بقى شاحب زي الكفن.
صباح الخير يا سادة. أستاذ فريد اتكلم بصوت هادي، تقيل، يرعب أكتر من أي صراخ. دخل وقعد على رأس الترابيزة، والمستشار القانوني وقف وراه، بينما المراجعين بدأوا فوراً يفتحوا لاباتهم ويطلعوا دوسيهات مطبوعة.
أستاذ فريد.. مازن حاول يرتب كلامه، لسانه تقل وصوته بقى بيقطع فيه.. فيه سوء تفاهم كبير.. مريم دخلت مشاكلنا
العائلية والشخصية في
بيئة العمل، وجاية تبتزني قدام حضرتك ب…
أستاذ فريد رفع إيده ببطء، حركة بسيطة خرست مازن في ثانية واحدة. أقعد يا بشمهندس مازن. أقعدي يا آنسة نهى.
الاتنين قعدوا كأنهم مسلوبين الإرادة. أنا فضلت واقفة، راسي مرفوعة، عيني مش بتنزل من على وش مازن اللي كان بيتصبب عرق رغم برودة التكييف اللي بترعش العضم.
البشمهندسة مريم ما جابتش سيرة أي مشكلة شخصية لما كلمتني الساعة واحدة الفجر، أستاذ فريد قالها وهو بيشاور للمستشار القانوني يوزع نسخ من ورق رسمي قدام الكل البشمهندسة مريم بعتتلي ملف رقمي كامل من خمسة وأربعين صفحة، فيه مراجعة تفصيلية لكل أمر توريد اتعمل لمشروع طريق النجوم على مدار الست شهور اللي فاتوا.
رمى نظرة حادة لمازن وكمل كنت مأمنك على ميزانية المشروع الأكبر في تاريخ الشركة، معتمد إن مريم شريكتك وهي صمام الأمان اللي بيراجع وراك الشق الفني والتنفيذي. لما تفاجئنا إنك بقالك تلات أسابيع بتعتمد فواتير توريد خامات رديئة من شركة إيكو ترافيل بأسعار أضعاف سعر السوق، وبتحط إمضا إلكترونية مكررة على إنها إمضا مريم، يبقى الموضوع هنا مبقاش مشاكل خطوبة يا بشمهندس.. ده اسمه في القانون تزوير، واختلاس، وتربيح الغير.
نهى بدأت تعيط بهستيريا يا فندم والله أنا مليش دعوة! مازن هو اللي جالي
