بعد ما فصلوها ٣

معاطي بص لولاء نظرة طويلة جمعت بين الاحترام لجرأتها والشر اللي جواه بسبب اللي حصل لأخوه، وقال بصوت خشن: “ارکبي.. محروس مش هيهرب مني.”ولاء ركبت العربية ورا جنب الشاب اللي أنفاسه بقت منتظمة نسبياً، ومعاطي ركب قدام جنب السواق والعربيات طارت بأقصى سرعة في شوارع القاهرة اللي كانت غرقانة بالمطر. في الطريق، معاطي كان بيكلمها وعينه مليانة غضب: “محروس هو اللي اتفق معانا.. قال إن العيان اللي دخل ده كان بيعرف أسرار كتيرة وممكن يوديه في داهية، وطلب مننا نخلص عليه جوه المستشفى بهدوء. بس لما إنتي دخلتي زي العفريت وأنقذتيه، محروس خاف إن العيان يفوق ويحكي للشرطة أو للنيابة إن الدكتور هو اللي حاول يقـ,ـتله بدوا غلط. “ولاء كملت كلامه بصوت حاد: “وعشان كده حرص إنه يطردني من المستشفى فوراً.. عشان يبان إني ممرضة مهملة، ومحدش يصدق أي كلمة أقولها لو فتحت بوقي!”معاطي ضغط على سنانه بغضب أعمى: “الكلب ده حسابه معايا خلص.. أهي العمارة قدامنا.”العربيات وقفت قدام عمارة فخمة في حي هادئ. معاطي فتح الباب ونزل، ووراه اتنين من رجاله الضخام، وولاء نزلت معاهم بخطوات ثابتة كأنها مش خايفة من حاجة خالص. طلعوا على الدور الخامس، وبدل ما يخبطوا، معاطي شاور لواحد من رجاله فكسر باب الشقة بركلة واحدة قوية فتحت الباب في ثواني. الشقة كانت شبه ضلمة، والأدوات مبعثرة كأن حد كان بيلملم حاجته بسرعة عشان يهرب. ولاء دخلت بخطوات بطيئة، وبصت حواليها، لحد ما سمعت صوت حركة ضعيفة جاية من أوضة النوم اللي جوه. معاطي رفع مسدسه واتجه نحو الأوضة، وداس على الباب برجله فتحه على الآخر. دكتور محروس كان واقف جوه قدام شنطة السفر بيحط فيها فلوس وأوراق، ووشه أصفر من الرعب والعرق مالي جبينه أول ما شاف معاطي وراه المسدس. صوت دكتور محروس طلع مرتعش وبيلجلج: “مع.. معاطي بيه.. اسمعني.. أقسم بالله أقدر أفهمك! “معاطي قرب منه بخطوات بطيئة ومرعبة، ومسكه من ياقة قميصه ورفعه عن الأرض، وقال بصوت واطي: “تفهمني إيه يا ابن الكلب.. ده أخوي كان هيضيع بسببك!”ولاء وقفت عند باب الأوضة، وبعينين حادتين قالت: “سيبه يتكلم.. بس يعرفنا الأول.. مين اللي وراك يا دكتور محروس؟ ومين اللي أمرك تقـ,ـتل العيان ده بالأساس؟”دكتور محروس ساب نفسه، ووشه بقى أصفر من كتر الرعب، وطلع صوته مزجوج وبيلجلج:”أرجوك.. أرجوك يا معاطي، سيبني أتنفس! أنا هقولك على كل حاجة.. والله ما أنا إلا مأمور! “معاطي شد على ياقة قميصه أكتر ورفع صوته بحدة: “انطق. . مين اللي وراك؟ وليه عايز تخلص على العيان ده؟”محروس بلع ريقه بصعوبة وقال وهو بيترعش: “العيان.. العيان ده مكنش مريض عادي. ده كان محاسب في مجموعة شركات رؤوف الهواري. . وكان معاه فلاشة عليها كل بلاوي تجارة الأدوية المضـ,ـروبة وغسيل الأموال.. وكان ناوي يبلغ عنها الجهات الرسمية ويخرب بيتهم! وقال لي لو الموضوع اتكشف هيخلص عليّ أنا كمان. وأنا.. أنا استغليت عصابتكم عشان تخلصوا الشغلانة وتبان إنها تصفية حسابات ومحدش يشك فيا! “معاطي ضحك ضحكة سخرية مرعبة، وباصص له نظرة تجمد الدم في العروق: “يعني كنت بتلعب بي أنا ورجالتي؟ كنت فاكرنا هبل نتحط قدام المدفع لوحدنا؟”محروس كاد يبكي وقال: “والله توبة.. أنا كنت مجبر ومهدد!”ولاء قاطعتهم بصوت حاسم وقاطع: “مفيش وقت للكلام ده.. الفلاشة اللي عليها المستندات.. فين مكانها بالضبط؟”محروس شاور بصباع بيترعش ناحية الدولاب وقال: “في.. في خزنة سرية جوه مكتب رؤوف الهواري نفسه في المقر الرئيسي، ودي اللي فيها النسخة الأصلية.”معاطي بص لولاء، ولقى في عيونها نفس الإصرار والجنان اللي خلاها تنقذ أخوه من ثواني. الغضب اتداس تحت رجليها وبقى الهدف واضح. معاطي زق محروس برجله فوقع على الأرض وصرخ، وبعدين لف لرجاله وقال بصوت عالي: “اربطوا الكلب ده.. وحطوه في العربية.. الليلة دي هنروح نقفل الحساب مع رؤوف الهواري بنفسنا! “رجال معاطي كتفوا محروس بحبل ورموه في عربية من العربيات، وطاروا بسرعة المجانين في شوارع القاهرة اللي كانت مبلولة بالمطر والبرق بيلمع في السما. ولاء كانت قاعدة في العربية، عينيها على الشاب اللي أنفاسه بقت منتظمة أكتر بعد الإسعافات الأولية، بس عقلها كان بيفكر في الألف خطوة اللي جايين. الانتقام لوحده مش كفاية، لازم تضمن إن حقها يرجع وإن براءتها تتثبت قدام المستشفى وكل الدنيا. بعد نص ساعة، العربيات وقفت في منطقة هادئة قدام قصر ضخم محاط بأسوار عالية وحراسة مشددة، وهو ده المقر الرئيسي لرؤوف الهواري. معاطي نزل من العربية ومسك سـ,ـلاحه، وبص لولاء اللي نزلت وراه على طول بكل ثقة وقالت بصوت حاسم: “مش هسيبكم تدخلوا لوحدكم. . أنا اللي هندلكم على مكان الخزنة، ومحروس مش هيجرؤ يكذب واحنا واقفين قدامه.”معاطي بصلها بإعجاب خفي وسط العاصفة، وشاور لرجاله. في ثواني، البوابة الخلفية للقصر اتفتحت بعد ما كسروا القفل بقوة. الحراس اللي كانوا واقفين متوقعوش الهجـ,ـوم المفاجئ ده في وسط الليل والمطر، فتم السيطرة عليهم بسرعة من غير ما حد يلحق ينطق بكلمة. دخلوا القصر بخطوات واسعة ومرعبة، ومعاطي كان دايس على سنانه ورافع سـ,ـلاحه، لحد ما وصلوا قدام باب المكتب الكبير لرؤوف الهواري، وكسروه برجلم في لحظة. المكتب كان فخم وواسع، ورؤوف الهواري كان قاعد على مكتبه ببدلته الأنيقة، وشرب كاس وبيلتف ببطء مفزوع من الصوت، لقى قدامه معاطي ورجالته، ووراهم ولاء ومحروس المربوط والمذعور. رؤوف وقف وبص لهم بصدمة وقال بصوت مهزوز: “إيه ده؟ ! إزاي دخلتوا هنا؟ ومحروس.. إيه اللي جابك هنا؟!”معاطي ضحك ضحكة قاسية ومشي خطوتين نحوه وقال: “جايين نقفل الحساب يا رؤوف.. وناخد الفلاشة بنفسنا!”#حكايات_شروق_خالد

مقالات ذات صلة

ابنك

عاصم ابو هيبه

عمر خورشيد والجن الذي تنبأ بمۏته !

الأيام الأخيرة فى حياة سعد محمد لاعب الزمالك الراحل

لماذا يظهر لحم الدجاج وكأنه يحتوي على دمـ,ـاء بعد الطهي؟

قميص نام

اترك تعليقاً إلغاء الرد