مانا ياما قولتلك
شارك على
الفصل الأول….. تجلس بشموخ أمام الجميع وكأن مايحدث لا يمت لها بصلة .فكل ماتفكر به هى سنوات عمرها الضائعة فى وهم كبير كان أبطاله هم .أقرب الناس إليها بل والأعز . أبت دموعها عن النزول ،فهى لن تكون…
الفصل الأول….. تجلس بشموخ أمام الجميع وكأن مايحدث لا يمت لها بصلة .فكل ماتفكر به هى سنوات عمرها الضائعة فى وهم كبير كان أبطاله هم .أقرب الناس إليها بل والأعز . أبت دموعها عن النزول ،فهى لن تكون ضعيفة الآن .أبدا أبدا لن تكون وليكفى ماحدث معها فلتسترجع مابقى من حياتها وتهتم بنفسها ولترميهم وراء ظهرها .
أخرجها من شرودها المأذون الجالس بآلية يتحدث أن يسترجعوا أنفسهم وأن أبغض الحلال عند الله الطلاق وكل هذه الدباجة التى تُقال فى مثل تلك المواقف .وعندما لم يجد منها رد تحدث معها مباشرة وهو يقول: إيه يابنتى قلتى إيه ،فكرى يابنتى من تانى . نظرت لذلك الذى ينظر صوب عينيها بندم وألم يفتك به ولكن بعد فوات الآوان .كانت نظراته تستحلفها بأن تتراجع عما تريد .دق قلبها اللعين له مرة أخرى ولكن لوهلة تذكرت لمحة خاطفة مما فعل .فعادت نظراتها لقسوتها وهى تقول للمأذون: خلص يا مولانا لأن مفيش نية للرجوع .اللى بيتكسر عمره مابيتصلح خاصة لما تقدم كل حاجة ومتجنيش غير الخذلان والغدر وكمان رمى المحصنات .
طأطأ رأسه أرضاً يلعن بداخلة تلك اللعينة التى كانت وراء مايحدث وكان يمشى وراءها كالأبله وهى تحركه كدمية بسبب حقدها الذى لم يعرفه غير الآن ولكن لن يفيد الندم . نظر للمأذون وقال بإنكسار: خلاص يامولانا أنا أستاهل اللى بيحصلى ده . ثم نظر إليها بقلب يمزقه الألم والخسارة وقال بصوت متحشرج من آثار دموعه: إنت طالق يا أجمل حاجة حصلتلى فى حياتى ،طالق ياحلم عمرى اللى ضيعته من أيدى بغبائى . طالق وأنا عارف إنى مش هعوض ضفرك .نظر داخل عيناها بترجى وقال: بس ياريت متكرهنيش .
نظرت إليه بإندهاش ورغم أن وقع الكلمة عليها كان صعبا مع أنها من طالبت بها وأصرت عليها إلا أنها تحدثت بكل قوة واهية: أنا رغم كل اللى حصل بس أنا مش وحشه ولا حقودة ولا بنكر الجميل .ومهما حصل هفضل فاكرة انك إنت اللى وقفت جمبى لما بابا الله يرحمه اتوفى .أكملت بإنكسار أبى ألا يذهب عن صوتها رغم تمثيلها للقوة وقالت: صحيح كسرتى بعد كده جت على إيدك إنت .بس صدقنى انا عمرى ما هنسى أى حاجة إنت عملتها معايا سواء حلوة أو وحشة . ودلوقت ياريت بعد ماتمضى على القسيمة مشوفش وشك تانى فى أى مكان ممكن أكون فيه.
