اليوم اللى جوزى

ندى قربت منها وسألتها

أمال كان بيخطط لإيه؟

داليا فتحت الظرف وطلعت منه مستندات وصور لتحويلات قديمة وبعدين قالت الجملة اللي خلت ندى تحس إن كل اللي عاشته في السنين اللي فاتت كان مجرد بداية لحاجة أخطر بكتير

محمود كان عايز يخلص منك قبل ما تعرفي الحقيقة اللي أبوكي خباهالك طول عمره

ندى اتسمرت مكانها وهي بتبصلها

أبويا؟ إنتي بتتكلمي عن أبويا إزاي؟ هو ماله بكل ده؟

داليا قربت منها وحطت قدامها صورة قديمة لراجل واقف جنب محمود قدام خزنة حديد كبيرة

ندى أول ما شافت الصورة شهقت بصوت عالي لأن الراجل اللي واقف جنب محمود مكنش أخوه ولا أي حد من موظفين الشركة

كان أبوها نفسه

والأغرب إن الصورة كان مكتوب على ضهرها تاريخ قبل وفاة أبوها بشهر واحد بس

ندى رفعت عينيها لداليا وقالت بصوت بيرتعش

إيه اللي كان بيجمع أبويا بمحمود في السر؟ وإيه حكاية الخزنة دي؟

داليا فتحت بقية الأوراق وبدأت تتكلم لكن قبل ما تكمل رن تليفونها

بصت للشاشة واتغير لون وشها في لحظة

كانت رسالة من رقم مجهول مكتوب فيها

لو نطقتي بكلمة واحدة عن الخزنة بنتك هي اللي هتدفع التمن

ندى خطفت التليفون من إيدها وقرت الرسالة بنفسها وبعدها بصت لسحر وقالت بحزم

المرة دي مش هسكت ومش هسيب حد يهدد ولادي عشان يخبي جريمته

لكن وهي بتقول الجملة دي مكنتش تعرف إن السر اللي جوه الخزنة مش متعلق بفلوس الشركة وبس

ده كان متعلق بميراثها هي وبحقيقة وفاة أبوها اللي اتقال لها طول عمرها إنها كانت طبيعية

يتبع في الجزء الرابع والأخير

ندى فضلت باصة للصورة اللي قدامها وهي حاسة إن حياتها كلها بتتفك قدام عينيها أبوها اللي مات من سنين وفضلت طول عمرها فاكرة إنه مات بعد تعب مفاجئ طلع ليه علاقة بالسر اللي جوزها حاول يدفنه بكل الطرق

بصت لداليا وسألتها بصوت مرتعش

أنا عايزة أفهم كل حاجة من أولها لآخرها أبويا كان بيعمل إيه مع محمود وإيه حكاية الخزنة اللي بتتكلمي عنها

داليا مسحت دموعها وقالت

أبوكي قبل وفاته اكتشف إن محمود بيحوّل فلوس الشركة لحسابات بره وبيجهز شركة تانية باسمه وباسم ناس قريبة منه عشان يسحب كل أصول الشركة ويعلن إفلاسه بعدها