اليوم اللى جوزى

وبعدها لف ومشي مع أفراد الأمن من غير ما يقول كلمة تانية

ندى فضلت واقفة مكانها وهي بتفكر في كلامه وسحر قربت منها وقالتلها

لازم نعرف الدفتر التاني فين لأن واضح إن فيه حاجة أكبر من مجرد سرقة فلوس الشركة

وفي نفس الليلة وهي راجعة مع ولادها اكتشفت إن منى مخبية عنها سر تاني بقالها ٦ سنين

سر لو اتكشف ممكن يغير كل اللي ندى كانت فاكره عن جوازها وعن السبب الحقيقي اللي خلى محمود يدمر حياتها…

يتبع في الجزء الثالث

ندى مكنتش قادرة تنام من كتر التفكير في كلام محمود قبل ما يخرج من المحكمة كانت كل شوية تفتكر نظراته وهو بيقولها إن فيه سر أكبر من سرقة الفلوس وإن الدفتر التاني لو ظهر مش هيكون هي لوحدها اللي هتخسر

لكن اللي كان شاغل بالها أكتر هو بنتها منى اللي رجعت معاها الشقة بعد ٦ سنين من الفراق وكانت طول الطريق ساكتة وبتبص من شباك العربية وكأنها شايلة فوق قلبها حمل أكبر من قدرتها

أول ما وصلوا الشقة يوسف جري حضن أمه وفضل متعلق بيها وهو بيعيط

ندى قعدت على الكنبة وضمت ولادها الاتنين لصدرها وفضلت تبوس راسهم وهي بتقول

وحشتوني أوي يا حبايبي وحشتوني لدرجة إني كنت كل يوم بصحى من النوم وأتمنى يكون اللي عيشته السنين دي مجرد كابوس وأفتح عيني ألاقيكم جنبي

يوسف رفع وشه وقالها

إنتي مش هتسيبينا تاني يا ماما صح؟

ندى دموعها نزلت وهي بترد عليه

عمري ما سيبتكم يا حبيبي أنا كنت كل يوم بحارب عشان أرجعلكم

منى كانت قاعدة بعيد عنهم وبتعيط بصمت وندى لاحظت إنها كل ما تبص ناحيتها تبعد عينيها بسرعة

بعد شوية ندى قربت منها ومسكت إيديها وقالتلها

فيه حاجة يا منى؟ من ساعة ما خرجنا من المحكمة وإنتي مش على بعضك

منى سحبت نفس طويل وبعدين بصت لأمها وقالت

ماما أنا لازم أحكيلك حاجة بس أوعديني إنك مش هتكرهيني

ندى اتخضت من كلامها وقالت بسرعة

أكرهك إزاي يا بنتي؟ إنتي بنتي وروحي قوليلي إيه اللي حصل

منى نزلت عينيها للأرض وبدأت تحكي

من حوالي سنة وأنا بدور في حاجات بابا القديمة بالصدفة لقيت ورق في درج مكتبه عليه اسمك وتوقيعك بس التوقيع كان مختلف شوية عن توقيعك الحقيقي ولما سألته الورق ده إيه اتعصب عليا وقاللي إني ماليش دعوة بشغله