لقيت بنتى
مريم بصي على الصورة.
مسكتها.
وكان فيها والدي واقف جنب رجل تاني.
الرجل ده كان الحاج فؤاد.
لكن المفاجأة الحقيقية كانت في الشخص الثالث الواقف بينهم
نوال الصورة وقعت من إيدي.
بصيت لنوال، وبعدين لأحمد،
وبعدها للصورة تاني.
إنتِ كنتِ تعرفي أبويا؟
نوال سكتت.
يوسف رد بدلها
مش بس كانت تعرفه دي كانت آخر واحدة شافته قبل ما يختفي.
نوال صرخت
كداب!
يوسف بهدوء
عندي الدليل.
طلع من جيبه فلاشة صغيرة وحطها فوق الترابيزة.
التسجيل ده اتعمل قبل اختفاء والدك بيوم.
أحمد بص للفلاشة وكأنه شافها قبل كده.
إنت لقيتها فين؟
في المكان اللي أبوك كان مخبي فيه الأوراق.
بصيت لأحمد.
إنت كنت عارف؟
قال
كنت عارف إن في تسجيل بس ما كنتش أعرف محتواه.
مددت إيدي للفلاشة، لكن يوسف مسك إيدي.
استني.
ليه؟
لأن التسجيل مشكلته مش في اللي هتسمعيه
وبص لنوال.
المشكلة في مين هتسمعي صوته في آخر دقيقة.
نوال بدأت تتوتر.
يوسف كمل
صوت والدك، وبعده صوت شخص تاني بيقول جملة واحدة غيرت كل حاجة.
إيه الجملة؟
سكت لحظة.
ثم قال
لو مريم عرفت إن ليان مش بنت أحمد كل اللي عملناه هيضيع شهقت من الصدمة.
ليان مش بنت أحمد؟!
أحمد غمّض عينه للحظة، كأنه كان مستني السؤال ده من سنين.
نوال صرخت
متسمعيش كلامه يا مريم! ده عايز يهدّ البيت فوق دماغنا!
يوسف رد عليها
البيت اتهد من يوم ما خبّيتوا الحقيقة.
بصيت لأحمد.
إنت كنت عارف؟
قال بصوت واطي
عرفت من فترة قريبة وعشان كده كنت بحاول أحميكي.
تحميني من إيه؟ من بنتي؟
لا أحمي ليان من الناس اللي ممكن تستخدم الحقيقة ضدها.
فتحت الملف بسرعة، وبدأت أقلب الورق.
أول ورقة كانت تحليل قديم.
وتحتها اسم
أحمد.
وبعدها ورقة تانية باسم مختلف.
لكن مافيش أي ورقة تثبت إن ليان مش بنت أحمد.
رفعت عيني.
دي مش أدلة.
يوسف قال
عشان كده لازم نفتح التسجيل.
حط الفلاشة في اللابتوب.
الصوت بدأ متقطع، قديم، لكن واضح.
سمعت صوت أبويا
لو حصل لي حاجة، مريم لازم تعرف إن ليان…
وفجأة التسجيل اتقطع.
بصيت ليوسف.
ليه؟
قال
لأن الجزء الأخير اتحذف.
أحمد فتح عينه فجأة.
استنى…
قرب من السماعة.
كان فيه صوت خافت جدًا في الخلفية.
ضغط على إعادة التسجيل.
المرة التانية سمعناه.
ثم التالتة.
وأخيرًا ظهرت جملة قصيرة جدًا، بصوت راجل مجهول
الطفلة اتسلّمت لنوال ومريم ما ينفعش تعرف إنها بنت أختها.
سكتنا كلنا.
