لقيت بنتى
بصيت له بعدم فهم.
فقال
الصورة دي اتصورت قبل جوازك من أحمد بسنين.
وقتها حسيت إن الأرض بتتحرك تحت رجلي.
إزاي بنتي كانت موجودة في صورة قديمة؟
عبد الحميد مال ناحيتي وقال
لأن ليان مش هي أول طفلة في الحكاية.
وقبل ما أقدر أسأله أي سؤال
موبايلي رن.
رقم أحمد.
لكن المرة دي ماكانش اتصال عادي.
وصلتني رسالة منه
مريم ارجعي ليان فورًا، ومتسأليش عن الصورة. أمي مش عايزة تأذيها بس لو عرفتي الحقيقة قبل ما أوصل، مش هقدر أحميكم.
رفعت عيني لعبد الحميد.
أحمد عارف؟
قال بهدوء
أحمد عارف جزء من الحقيقة.
وجزء إيه؟
ابتسم بحزن.
الجزء اللي يخليه لحد النهارده خايف من أمه وأبوه.
ثم وضع أمامي مفتاحًا صغيرًا.
وكان محفورًا عليه نفس الرقم الموجود في دلاية الإسورة
17.
وقال
الخزنة موجودة في بيت أبو أحمد.
طب ما البيت تحت إيدهم!
هز رأسه.
مش الخزنة اللي في بالك.
ثم قال جملة واحدة خلتني أحس إن كل اللي فات كان مجرد بداية
الخزنة موجودة في أوضة ليان نفسها رجعت بصيت لعبد الحميد، ومقدرتش أخفي صدمتي.
إنت بتقول إن الخزنة في أوضة ليان؟
هز راسه.
تحت الأرضية، ورا لوح خشب قديم.
بس ليان كانت بتنام في الأوضة دي كل يوم!
وده بالضبط سبب إن محدش كان هيفكر يدور هناك.
مسكت المفتاح.
وليه ما فتحتهاش بنفسك؟
ابتسم بحزن.
لأن المفتاح مش كفاية.
أمال إيه اللي ناقص؟
قبل ما يرد، سمعنا صوت خبطة قوية على باب المكتب.
عبد الحميد وقف فجأة.
مدحت همس
هما وصلوا.
مين؟
ماحدش رد.
الباب اتفتح.
وكان أحمد واقف.
بص لي، وبعدين بص لعبد الحميد.
وشه كان شاحب.
قال
كنت عارف إنك هتوصلي له.
وقفت.
له؟ إنت كنت عارف إنه عايش؟
أحمد سكت.
جاوبني يا أحمد!
قال بصوت مكسور
متابعة القراءة
3
لقيت بنتي
أيوه.
وإنت اللي بعتلي رسالة إنك عرفت مين بعت الصورة!
أنا كنت بحاول أبعدك عن الموضوع.
ضحكت بمرارة.
تبعدني؟ بعد ما أمك حلقت شعر بنتي وأبوك ضربني؟!
نزل عينه.
أنا آسف.
الاعتذار مش كفاية.
عبد الحميد تدخل
قول لها الحقيقة يا أحمد.
أحمد بص له، وكأنه خايف من الجملة اللي جاية.
ثم قال
الإسورة كانت بتاعت أمك يا مريم.
اتجمدت.
أمي؟
أيوه.
إزاي؟
أحمد قرب خطوة.
أبوكي قبل ما يموت سلّمها للحاج فؤاد، وقال له يحافظ عليها لحد ما تعرفي الحقيقة بنفسك.
حسيت إن رأسي بيلف.
طب ليه أمي ما قالتليش؟
أحمد سكت.
ثم قال
لأن أمك ما كانتش تعرف الحقيقة كاملة.
