جالنا عريس

أختي اللي كانت واقفة ورا الباب بتسمع، خرجت فجأة ووشها مقتول من الرعب، بصت لأمي بنظرة استنجاد.. أمي من كتر جشعها وخوفها إن الفلوس والسبوبة دي تضيع من إيديهم، قربت من العريس وهي بتحاول توطي لربكته وقالت بصوت مكسور: “خلاص يا بيه.. اللي تشوفه، إحنا بس كنا فاكرين إن عفاف أنسب.. طالما عينك على أختها، يبقى أختها من نصيبك والخير والبركة، إحنا نطول يناسبكم؟”.

في اللحظة دي حسيت بدمي بيفور، نبضات قلبي بقت مسموعة في وداني، كأن نغزة دخلت صدري وصحتني من الغيبوبة.. بصيت لأمي وأنا مش مصدقة إنها بالسهولة دي نقلت البيعة من أختي ليا ومني لأختي، كأننا بضاعة في سوق، والراجل القاسي اللي قاعد على الكرسي ده هو التاجر اللي بيشرط ويختار. خطوت خطوات سريعة ودخلت نص الصالة، عيني جت في عينه مباشرة.. كانت عينيه مليانة حدة وكبرياء مزيف بيغطي بيه على ضعفه الحركي، لكن النظرة اللي شافها في عيني خلت الموقف يتكهرب أكتر. مسحت أي أثر لدموعي ووقفت بظهر مشدود وقالت بصوت ثابت وقوي هز الأوضة:

الصمت حل على البيت كله، بابا رفع راسه بفزع، وأمي برقت بيا وهي بتصرخ بصوت واطي: “اسكتي يا بت أنتِ جنيتي؟!”.

كملت وأنا بصنع مواجهة صريحة مع العريس وأهله اللي كانوا واقفين وراه مصدومين من جراءتي: “أنت جاي فاكر إنك بالقرشين بتوعك هتدخل البيوت وتك.سر نفوس الناس؟ فاكر إن أختي أو أنا ممكن نكون مجرد واجهة تتباهى بيها قدام ناسك عشان تعوض نقص جواك؟ أنت لو كان عندك ألف جنيه أو ألف مليون، فأنت أفقر إنسان شفته في حياتي، لأنك معندكش ريحة الأدب ولا احترام المشاعر.. وأنا لو أمو.ت من الفقر، مش هتشرف بيك ولا بأمثالك في بيتنا!”.العريس وشها اتغير، معالم الغضب والغيظ غطت ملامحه، وشه بقى أحمر وجسمه بدأ يترعش وهو بيحاول يمسك في ذراع الكرسي بقوة..

الشاب اللي بيذق الكرسي حاول يهديه وهو بيهمسله، لكن العريس زق إيد الشاب بقسوة وبصلي بقلة حيلة ممزوجة بشر، وقال وهو بيجز على أسنانه: “أنتِ بتكلميني أنا كدة؟ أنتِ عارفة أنا مين وممكن أعمل إيه فيكم وفي بيتكم ده بكلمة واحدة؟”. قربت خطوة كمان وقلتله ببرود قـ,ـاتل: “اعمل اللي تقدر عليه.. أعلى ما في خيلك أركبه.. والبيت ده لو فقر، ففيه كرامة أنا مش هسمح لأمي ولا لأبويا يبيعوها عشانك.. مع السلامة، باب بيتنا مقفول في وشك ووش فلوسك”.