أخطر معلم مافيا ٣

“إيه؟”
“هما عرفوا مكاني.”
نزل رجالة سليم من العربيات. وفي نفس اللحظة، عربية سودا وقفت قدامنا. الباب اتفتح. ورجل نزل منها. أنا عرفته فورًا. حسام. لكن المرة دي كان لوحده. من غير رجالة. ومن غير سلاح ظاهر. وقف بعيد وقال:
“أنا مش جاي أحاربك يا سليم.”
سليم رد:
“يبقى جاي تعمل إيه؟”
حسام بصلي.

“أقولها الحقيقة.”
أنا وقفت.”قول.”
حسام قرب خطوة.”ليلى مش بنتي.”
أنا بصيت له في صمت.”عارفة.”
هو اتفاجئ.”عرفتي؟”
“عرفت إن التحليل قال إنك مش أبوها.”
حسام ضحك بمرارة.”أنا كنت عارف من يوم ولادتها.”
“ليه أخدتها؟”
حسام بص للأرض.”لأني كنت مديون لفؤاد.”
سليم قال:
“كم؟”
“مش فلوس.”
سليم سكت. حسام كمل:
“كان ماسك حاجة تقدر تدمر حياتي كلها.”
أنا قلت:
“إيه؟”
حسام رفع عينه ليا.

“كان معاه تسجيل ليا وأنا بشتغل معاه.”
“في إيه؟”
“نقل الأطفال.”
سكت المكان.”هو كان بيطلب مني أجيب له الأطفال اللي يختارهم.”
أنا حسيت بالغثيان.”وبنتي؟”
حسام قال:
“فؤاد هو اللي اختارها.”
سليم سأله:
“ليه؟”
حسام هز راسه.”ماعرفش.”
“كذاب.”
“والله ما كذاب.”
حسام بصلي.”بس في حاجة واحدة كنت عارفها.”
“إيه؟”
“لما أخدت ليلى، الدكتور مروان قال لي إن فؤاد مستني نتيجة تحليلها.

”
سليم قال:
“تحليل إيه؟”
حسام رد:
“تحليل يثبت إذا كانت ليلى مرتبطة بعيلة المنشاوي ولا لأ.”
أنا بصيت لسليم. حسام كمل:
“ولما النتيجة ظهرت، فؤاد اتجنن.”
“ليه؟”
حسام قال:
“لأن النتيجة أثبتت حاجة هو ماكانش عايزها تحصل.”
سليم سأله:
“إيه؟”
حسام سكت. الست العجوز قالت:
“أنا هقول.”
كلنا بصينا لها. فتحت الورقة اللي في إيدها. وقالت:
“ليلى مش بس مرتبطة بسليم.”
أنا حسيت إن نفسي وقف.”أمال؟”
الست قالت:
“هي مرتبطة بعيلة تانية أخطر.”
سليم عقد حاجبيه.”عيلة مين؟”
الست مدت الورقة له. سليم قرأها. وشه اتغير. أنا قربت.”إيه المكتوب؟”
سليم رفع عينه.

“اسم الأب اللي كانت العينة بتطابقه…”
وسكت.”مين؟”
قال:
“فؤاد الجبالي.”
حسام رجع خطوة.”أيوه.”
أنا اتصدمت.”يعني فؤاد هو أبو ليلى؟”
الست هزت راسها.”التحليل بيقول كده.”
سليم مسك الورقة.”لكن ده مستحيل.”
حسام قال:
“مش مستحيل.”
“إنت عارف حاجة تانية.”
“أيوه.”
حسام بصلي.”وعشان كده أنا رجعت.”
“إيه؟”
“فؤاد مش أبو ليلى.”
سليم قال بعصبية:
“إنت لسه قايل إن التحليل بيقول إنه الأب!”
حسام رد:
“التحليل اللي فؤاد شافه كان مزور.”
سليم سكت. حسام كمل:
“الحقيقة إن فؤاد كان بيحاول يزوّر نسب ليلى عشان يربطها بيه.”
أنا سألت:
“طب ليه؟”
حسام بص لسليم.”عشان يخليك تحميها.”
سليم اتجمد.