أخطر معلم مافيا ٣

“كنت.”
سليم قرب منه.”يعني إيه كنت؟”
الرجل قال:
“فؤاد مش هو اللي بدأ كل ده.”
أنا اتجمدت.”مين؟”
الرجل بصلي.”الشخص اللي بدأ كل ده…”
سكت لحظة.”كانت أم ليلى.”
أنا شهقت.”أمي؟”
الرجل هز راسه.”لأ.”
وبص لسليم.”أمك أنت.”
سليم اتراجع.”أمي ماتت من عشرين سنة.”
الرجل قال:
“أمك ما ماتتش.”
الصمت نزل علينا. وبعدين قال:
“هي اللي طلبت مني أخفي أخوك.”
سليم سأله:
“ليه؟”
الرجل شد على إيده.”لأن أخوك كان شاهد على حاجة حصلت في عيلتنا.

”
“إيه الحاجة؟”
قبل ما يجاوب…صوت بكاء طفل جه من آخر الممر. أنا انتفضت.”آدم!”
جرينا ناحية الصوت. الباب اتفتح. لقيت آدم في حضن نادية. وليلى جنبها. لكن نادية ما كانتش لوحدها. كان واقف وراها رجل طويل. وشه مغطى. قال:
“محدش يتحرك.”
سليم وقف قدامي.”سيب الأطفال.”
الرجل رد:
“الأطفال مش مشكلتي.”
“أمال إيه؟”
رفع إيده وشال القناع.

أنا حسيت إن الدم اتجمد في عروقي. لأن الرجل اللي قدامنا…كان نفس الرجل اللي ظهر في فيديو المستشفى. أخو سليم. لكنه ابتسم وقال:
“أنا مش أخوه.”
وبص لسليم.”أنا الشخص اللي انتحل شخصية أخوك سنين طويلة.”
ثم رفع عينه لشروق وقال:
“والحقيقة عن ليلى… لسه ما بدأتش.”#حكايات_شروق_خالدأنا فضلت واقفة مكاني، مش قادرة أستوعب.

الرجل اللي قدامنا شبه أخو سليم…لكن هو نفسه بيقول إنه مش أخوه. سليم كان واقف قدامه، وعينيه مليانة غضب.”إنت مين؟”
الرجل ابتسم.”اسمي سامح.”
سليم قال:
“سامح مين؟”
“سامح الديب.”
حسام اتراجع خطوة أول ما سمع الاسم. سليم لاحظ.”إنت تعرفه؟”
حسام بلع ريقه.”أيوه.”
“مين ده؟”
حسام قال:
“كان واحد من أهم رجالة فؤاد.”
سامح ضحك.”كنت.”
سليم قال:
“وليه شكلك شبه أخويا؟”
سامح رد:
“لأن فؤاد اختارني أكون نسخة منه.”
أنا حسيت بقشعريرة.”نسخة؟”
سامح بصلي.

“مش بالشكل بس.”
وبعدين أشار لليلى.”البنت دي كانت السبب.”
أنا قربت من بنتي.”ابعد عنها.”
سامح قال:
“أنا مش هأذيها.”
“يبقى سيبها.”
“لسه.”
سليم قال:
“إنت عايز إيه؟”
سامح رد:
“عايز أخرج من اللعبة دي.”
سليم استغرب.”أي لعبة؟”
سامح قال:
“لعبة بدأت قبل ما ليلى تتولد.”
وبعدين بص لنادية.”قولي لهم.”
نادية كانت ساكتة. أنا قلت: