اخطر معلم مافيا ٢

”
أول ما الست شافت الصورة، وشها اتغير.”إنتِ مين؟”
“أنا أمها.”
الست حطت إيدها على بقها.”يا ساتر…”
“إنتِ تعرفي بنتي؟”
هزت راسها بسرعة.”لأ.”
سليم قال:
“بصيلي.”
الست ارتبكت.”أنا مش عايزة مشاكل.”
“ولا إحنا.”
أنا قربت منها.”لو تعرفي حاجة عن بنتي، قوليلي.”
الست دموعها نزلت.”أنا مش عارفة بنتك فين.”
“بس تعرفي مين أخدها.

”
سكتت. وبعدين قالت:
“كان فيه طفل تاني.”
سليم سأل:
“إيه علاقته بليلى؟”
الست بصت حوالين المكان.”الطفل ده اتساب هنا من سنين.”
“اسمه؟”
“كان اسمه ياسين.”
أنا بصيت لسليم.”وياسين ده فين؟”
الست قالت:
“اختفى.”
“إمتى؟”
“بعد ما جه واحد اسمه فؤاد الجبالي.”
المكان كله سكت. الست كملت:
“فؤاد أخد الطفل وقال إنه من العيلة.”
أنا سألت:
“وبعدين؟”
الست بصتلي.”بعدها بأيام، جه راجل تاني وسأل عن بنت صغيرة.

”
“مين؟”
الست قربت مني وهمست:
“حسام.”
قلبي اتقبض.”حسام جه هنا؟”
“أيوه.”
“وسأل عن مين؟”
الست بصت للصورة اللي في إيدي.”عن بنتك.”
أنا حسيت إن رجلي بتترعش.”يعني حسام كان عارف إنها عايشة؟”
الست ما ردتش. لكن دموعها كانت كفاية. سليم سألها:
“فين السجلات؟”
الست أشارت لغرفة في آخر الممر. دخلنا. على رف قديم، كان فيه عشرات الملفات. وبينهم ملف صغير عليه اسم:
ليلى شروق محمود. أنا مسكته بإيد مرتعشة. فتحته. أول صفحة كانت بيانات الولادة.

تاني صفحة كانت صورة صغيرة. وتحت الصورة جملة واحدة:
“تم تسليم الطفلة لشخص يدعى حسام محمود.”
أنا شهقت.”حسام هو اللي أخدها.”
سليم أخد الملف. قلب الصفحات. لكن الصفحة الأخيرة كانت ممزقة. وباقي الورقة فيه سطر واحد بس.”تم نقل الطفلة إلى…”
والباقي مقطوع. فجأة، سمعنا صوت عربية بتقف بره. سليم رفع رأسه. الحارس دخل بسرعة.”يا معلم، في عربيات سودا وصلت.

”
سليم قفل الملف.”عددهم؟”
“أربعة.”
وبعدين قال:
“وفي عربية نزل منها راجل.”
أنا سألت:
“مين؟”
الحارس بصلي.”حسام.”
قلبي وقف. ومن بره المبنى، سمعنا صوته:
“شروق!”
صوتي اختفى. سليم وقف قدامي. وحسام صرخ:
“عارف إنك جوا!”
وبعدين قال جملة خلت كل حاجة تسكت:
“لو عايزة تعرفي فين باقي الحقيقة عن ليلى… اطلعيلي لوحدك.”#حكايات_شروق_خالدسليم وقف قدامي زي الحيطة، وقال بصوت واطي بس حاسم:
“محدش هتطلعي تقابليه.”
بصيت له وأنا ماسكة ملف ليلى.”بس ده حسام… هو اللي أخد بنتي.”
“وعشان كده بالذات مش هتطلعي.”
من بره، صوت حسام علا:
“شروق! متخليش الراجل ده يضحك عليكي!