اخطر معلم مافيا ١

“ناس أنا كنت فاكر إنهم اختفوا من سنين.”
وبعدين بص لشهادة الوفاة في إيدي.”ولو الورقة دي حقيقية…”
سكت. أنا همست:
“لو حقيقية، يبقى إيه؟”
سليم رفع عينيه ليا.”يبقى لازم نعرف مين أخد بنتك.”
في اللحظة دي، موبايله رن. بص للشاشة. رقم مجهول. رد. ماقالش حاجة. بس سمعنا صوت راجل من الناحية التانية. صوت خشن، بارد، وهادي.”يا سليم المنشاوي… لو عايز تعرف البنت اللي ماتت من تلات أسابيع راحت فين، ابعد إيدك عن ابني.”
سليم مااتحركش. لكن عينيه راحت ناحيتي. وأنا حسيت إن قلبي وقف.

لأن الصوت اللي على التليفون…كان نفس الصوت اللي سمعته بره أوضة الأطفال. صوت حسام. وبعدها، الراجل قال جملة أخيرة:
“والخدامة اللي عندك… هي المفتاح.”
وانقطع الخط.#حكايات_شروق_خالدسليم فضل ماسك الموبايل في إيده، وباصص للشاشة كأنه مستني الصوت يرجع تاني. أنا كنت واقفة قدامه، والظرف البني لسه مفتوح بين إيديا، وشهادة وفاة ليلى بتترعش مع كل نفس باخده.”يا معلم سليم…”
ما ردش.”سليم، هو قال إيه؟”
رفع عينه عليا، وكانت النظرة اللي في عينيه مختلفة. مش نظرة الراجل اللي بيخوف كل اللي حواليه، ولا نظرة الأب اللي كان لسه من شوية بيحاول ينقذ ابنه.

كانت نظرة راجل اكتشف إن عدوه دخل بيته من زمان.”حسام عارف عن آدم.”
قلبي وقع.”يعني إيه؟”
“يعني إن اللي بيحصل مش صدفة. دخول حسام للقصر، الممرضة اللي اختفت، الورقة اللي وصلالي… كل ده مرتبط ببعضه.”
أنا قربت منه.”وبنتي؟ بنتي يا سليم؟ هو قال إنها راحت فين؟”
سليم سكت لحظة.”قال إنك المفتاح.

”
ضحكت ضحكة مكسورة، والدموع نزلت على وشي.”أنا؟ أنا مفتاح لإيه؟ أنا واحدة غلبانة فقدت بنتها، وهربت من راجل كان بيضربني!”
سليم مد إيده، لكنه وقف قبل ما يلمسني.”شروق، بصيلي.”
رفعت عيني بصعوبة.”أنا مش هقولك إن بنتك عايشة، ومش هديكي أمل كدب. لكن الورقة دي فيها حاجة لازم نتحقق منها.”
“إيه؟”
“الجثمان اتسلّم لشخص مجهول. ده معناه إن لازم نراجع سجلات المستشفى، ونتأكد من هوية الشخص اللي استلمها، ونتحقق من كل التفاصيل.

”
حطيت إيدي على صدري.”يعني ممكن تكون ليلى…”
سليم قاطعني بهدوء.”لسه مانعرفش. ومش هسمح لحد يضحك عليكي بكلمتين.”
في اللحظة دي، باب الأوضة اتفتح، ودخل الدكتور شريف، ومعاه ممرضة.”يا معلم، آدم محتاج متابعة. بدأ يهدى، لكن لازم نراقب حالته.”
سليم لف ناحيته.”خليه تحت مراقبة مستمرة. ومحدش يقرب منه غير الفريق الطبي اللي أنا أحدده.”
الدكتور هز راسه، وبعدين بصلي.”مدام شروق، لو سمحتي، محتاجين نعرف كل التفاصيل عن الرضاعة اللي حصلت.”
أنا اتوترت.”أنا… أنا عملت كده عشان كان جعان.”
“أنا فاهم. ومش بلومك. بس لازم نتابع صحته وصحتك، ونتأكد إن كل حاجة آمنة.